La Maddalena

L'amori

L'amori,
jenti mea,
è una disgrazia
chi s'inziffa
e ti fa sciuppà u cori;
u ciarbeddhu,
forammali,
ti lu strazia,
e po' ti fa murì senza dulori.
Quandu sei mortu po',
nun è finitu,
perchè la jenti ti chiamma "scimunitu!"

Ziminata elettorali

D’in casa Vincenzinu era sciurtitu,
pè andà accattà un zimminu bè assurtiti
era u jornu chi precedi l’elezioni
e l’oratori parlàini dai barconi.
S’era fermatu c’à burza vota in manu
pè circà di sintì u democristianu;
g’avia a parola chi paria un dipintu,
tantu chi Vincè s’era cunvintu.
“Votate il mio partito!” Iddhu dicia,
“Sarete soddisfatti!” e Vincè sintia;
e a fini avia presu a decisioni,
pè qua avaria vutatu all’elezioni.
A quistu puntu tuttu era normali,
ma poi era aizzatu un liberali
chi dicia, ancora iddhu, monda bè,
tantu da cunvincì pur’à Vincè.
“Avrete tutti benessere e lavoro,
il mio partito vi darà decoro!”
Vincè, tuttu presu, era sintendi,
e pianu pianu s’era cunvincendi.
Avia finitu, e un antru n’era aizzatu,
duvia propriu essi un avvocatu!
E dopu quistu, amcora tanti e tanti,
e Vincè l’avia intesi tutti quanti.
Era jà tardi e in casa era turnatu,
imbriacu di paroli e frasturnatu.
A muddheri, supra a porta, aspittàia
a Vincè che i pesci ghi purtàia.
“Ti pari quista l’ora di turnà?
E di stà in piazza a fatti imbriacà?
Ti sei scurdatu di piglià u zimminu?
E avà ti magni gargi di violinu!”

A patedda

Undi s'attacca guasi sempri mori,
si tenti di staccalla so dulori !
Percio' sta attentu a quista operazioni
perche' dopu l'ugni toi nun so' piu' boni.

Nun molla mai u scoddu und'e' attaccata
bedda tranquilla si ni sta' avvinghiata
nun gha' paura mancu do ponenti,
tantu si buffa nun ghi fa' gnenti.

Potaria essi in quiddu medaglioni
un da bandera,o' postu do' lioni
pe' dimustra' chi l'isulani veri
da qui nun si ni vani vulinteri.

Si a patedda da u scoddu soiu si stacca
e' sbattulata pe' u mari d'a risacca;
cussi l'isulanu pe' u dulori
luntanu d'a so' casa si ni mori.

L'isula di notti

U soli si ni va' c'una fiammata
l'ombra supra i scoddi e' ja calata,
di focu so' i riflessi in tuttu u mari
e au molu s'accendini i fanali.

Si gh'e punenti guasi sempri cala
ancora si a jurnata e' stata mala,
si po' u sciroccu e' statu monda forti,
quista e' proppiu l'ora d'a so' morti.

Una brezza chi cala da u Spinicciu
ci porta un profummu di scavvicciu
in quistu paradisu cala a paci
nun senti piu' nudda,tuttu taci.

L'isula ava' dormi tranquilla
e aspetta ch'a matina a so' sveglia squilla
pe' ripiglia' ancora i so' lavori
au nou' jornu chi ghi da' u Signori.

Ma veglia sempri supra i so' fideli
Maria Madalena, chi da u celi
ci guarda,benedici e po' protegghj
l'abitanti,u scoddu e i so' tegghj.

U punenti

U soli si ni va' c'una fiammata
l'ombra supra i scoddi e' ja calata,
di focu so' i riflessi in tuttu u mari
e au molu s'accendini i fanali.

Si gh'e punenti guasi sempri cala
ancora si a jurnata e' stata mala,
si po' u sciroccu e' statu monda forti,
quista e' proppiu l'ora d'a so' morti.

Una brezza chi cala da u Spinicciu
ci porta un profummu di scavvicciu
in quistu paradisu cala a paci
nun senti piu' nudda,tuttu taci.

L'isula ava' dormi tranquilla
e aspetta ch'a matina a so' sveglia squilla
pe' ripiglia' ancora i so' lavori
au nou' jornu chi ghi da' u Signori.

Ma veglia sempri supra i so' fideli
Maria Madalena, chi da u celi
ci guarda,benedici e po' protegghj
l'abitanti,u scoddu e i so' tegghj.

L'italiano d'Argia

Cara signora Argia,quale onore!
incontrarla costì dal suo dottore;
Non stà forse bene?Che peccato!

Che cosa fà in questo ambulatorio?
Si tratta di un male transitorio;
Lei così bella al pari di una rosa,
è sempre stata sana e prosperosa.-

-Ieri nel lozzo son riscichinata,
ed il talorco io mi son schigghiata;
mi sono medicata nella zona,
ma mi è rimasta un pò di smagnazzona.

Pensi,tanto e poi tanto era il dolore;
che sono corsa dritta dal dottore;
e sa che ha detta questo gran sputrito?
che non avevo niente e m'ha scurrito!

Se da curare hai anche un chiaveddho
ch'è stuntatu nel mezzo del baeddho;
Per essere creduto,caro amico,
devi scoprire subito il biddhico!