La Maddalena

A me fiddola

L'agghju vista calendi l' antru jornu di sera
c' un cuntussu annantu e i titti da fora
un bindonu in capu chi paria un catucciu
e i cantegghj arrussazzati comm' un zitedducciu.

Sutt'o bracciu g' avia una bedda burzetta
dui pindini all' aricchi pe' essi' piu' arretta
e pe' fini' quistu carniva' alla "scianchetta"
subr'a tuttu tamanta fardetta.

Chi mussi e chi mossi
calendi und'a stritta
paria tutt' idda....mezza carzetta...
g' avia solu dui ziddi e quattrossi.

E commu guardaia si ghera quarcunu
sbarrendi l' occhi da subra e da suttu.

"Rusi,affaccati ja e veni a vide'
u mondu s'e' girendi di bruttu"
"Brutta svargugnata zabattona
ti pari quistu u modu e a manera
d'andattini in giru da sola?"

S'e' rigirata commu una taragghjola
dicendimi arrutata e fiacosa
"O ma, e vattini ja in casa
chi sei divintata baiocca...
...nun mi vidi chi sogu a to' fiddola?"

U curagghju d'una vorta

Ghi vulia curagghju una vorta,fiddo',
a nasci' quandu gherani i guerri
dai Bucchi di Bunifaziu o' Gurfu do' Lio'
e unda' stritta,subr'a grasgella,solu dui zerri !

Ghi vulia curagghju una vorta,fiddo',
a fa' muru e petra cumi un furzatu,
tutti i santi jorni a Vigna Grandi e a Barabo'
e a vita passaia cumi fussi un cundannatu !

Ghi vulia curagghju una vorta,fiddo',
a laura cu a pula e c'u ventu
o' Magghjnettu o subra o' Puntiddo'
a tadda',a squadra' i tacchi,chi turmentu !

Ghi vulia curagghju una vorta,fiddo',
a pisca' e smaglia' d'a matina a sera
a buga' e sia',magnendi un pistiddo',
ruzzichendi dui filoni cui pummati si ghi n'era !

Ghi vulia proppiu curagghju,una vorta,
e i nosci antichi l hani autu
ma semu parlendi di l'isula di tant' anni fa'...
...un tempu oramai scunnusciutu.

Carnivà
(Luigi Piras)

Digu a vo' chi li sapeti
l' antighi usanzi isulani,
parcosa nun li cunteti
a quiddi chi nun li sani?

Si ghje' fussi struitu
ogghj una, l' antra dumani
a dilli mi saria divirtitu
a qua' e' vinutu arrimani.

Ma nun agghju studiatu
parcosa nun g' agghju mai gana
e a scola ghi sogu andatu
si e no una vorta a settimana.

Nun rispunditi? Nisciunu ni voli sape'
d' accitta' quista prighierta?
Tandu mi pruaragghju gh'je
a dinni una d' ugni sera.

Ma c'u pattu chi du(v)eti cumpati'
quarchi garronu chi ghje' fagu
ma s' incocciu quarchidunu a ridi'
piddu a via e mi ni vagu.

Dunca a stasera tantu pe comincia'
ni cuntaragghju una sola
"Carniva' nun ti n' anda'
ti faremu una cammisgiola..."

Carniva' era fattu proppiu cussi'
suttì a l' ordine di Scianchetta
di tarabucciulu andagghjani a imbutti
un pagghju di carzoni e una giacchetta.

Po ghi mittiimi in capu una barretta
e comm' un ommu in gir' a spaddi,
lu purtaini cantendi quista canzunetta :

"Carniva' nun ti n' anda'
ti faremu una cammisghjola
d' ugni puntu una frisgila"

No no, nun ghi digu piu' gnenti
e mi ni fugghju subbutu da qui
agghju vistu tanta jenti
chi nun facia chi ridi'...

Gh'era u tempu
(Piero Bardanzellu)

Gh'era u tempu
che i battelli sciurtiani da i cali
chi nun cunisciani banchini,
strasginati da remi lunghi e pisanti
o da un vilacco' vecchju e insarzitu,
picculu cumi un mandillu.

Gh'era u tempu
che i piscadori,
pusati subra a rena d'una spiagghja
liccata solu da u mari,
cusgiani una rezza
fatta di sdrusgituri e di sudori:

Gh'era u tempu
che i pesci simbraini cuntenti
di carma' a fammi e a disperazioni dei ziteddi
chi si murzicaini i diti
pe' inganna' u stommacu.

Gh'era u tempu
chi a famidda cuntaia i so' vivi e i so' morti
guardendi u soli e a luna
chi ghjucaini in un celu
grandi
cumi a spiranza di l'ommu
e spannatu cumi a verita' du Signori.

Nun ghe' piu'
u tempu dei foli
e u cori si senti piu' stancu e piu' solu.
Nun ghe' piu'
u tempu dei foli......